Një 27-vjeçar shqipar u dënua me tre vite burg, pasi më parë u arrestua nga policia britanike, pas zbulimit të një “shtëpie kanabisi” me vlerë 166,000 £ në në Winsford.
Sipas mediave britanike, bëhet fjalë për Neim Hoxha, i cili nuk ishte në shtëpi kur mbërriti policia, por u arrestua kur u shfaq në adresë më vonë në të njëjtën ditë.
Hoxha u paraqit në Gjykatën e Magjistraturës Chester më 26 shtator, ku u deklarua fajtor për prodhimin e drogës së klasit B, si dhe drejtimin e një automjeti pa patentë dhe pa siguracion.
Ai u mbajt në paraburgim dhe çështja u dërgua në Gjykatën Chester Crown më 16 dhjetor. Atje ai u dënua me tre vjet burg, ku gjyqtari rekomandoi që të vuante të gjithë dënimin.
