Mjeku Ilir Alimehmeti, njëkohësisht anëtar i PD-së në Këshillin Bashkiak Tiranë, foli në “Mcn” mbi koncesionet në shëndetësi.
Alimehmeti thotë se janë harxhuar gjysmë milliard euro për PPP-të në shëndetësi, ku disa prej koncesioneve si Chek Up-i sipas tij nuk kanë pasur asnjë produkt.
Ai vë në dukje se me këto paratë spitali Onkologjik nuk do të kishte pasur asnjë problem për 10 vite me radhë.
Ilir Alimehmeti: “Katër koncesionet s’do t’i fusim në një thes. Disa mirë apo keq kanë një farë produkti, problemi është që ai produkt paguhet shumë më shumë se sa kushton realisht dhe disa s’kanë produkt fare. Shëndetësia është e keqfinacuar në Shqipëri. Paratë janë shumë pak, për 2025 është vetëm 2,9 % e PBB-së. Edhe nga këto pak lekë ju është ulur para. 60 për qind e parave për shërbimin shëndetësor paguhen nga xhepi. Koncesionet në radhë të parë s’kishte asnjë arsye që të ekzistonin. Koncesioni i sterilizimit është 10 milionë euro në vit tani. Direkt 10-fishohet, brenda një viti shkon 17 milionë euro.
Për të mbyllur nevojat e Onkologjikut kosto vjetore është 20-30 milionë kosto vjetore. Një Akselerator Linear kushton nga 750 mijë në 1 milion e gjysmë euro. Kemi gjysmë miliard euro të harxhuara nga koncesionet. I bëni llogaritë? Në 10 vjet spitali Onkologjik s’do kishte pasur asnjë problem. 40 për qind të aksioneve të koncesionit të sterilizimit i ka dikujt që s’ka asnjë lloj investimi dhe njohurie në këtë fushë. Këtu ka qartësisht një vjedhje, abuzim taksash. Patjetër nuk prodhon shteti shqiptar bisturi, i ble ato, por i ble me prokurime. Pse është zgjedhur koncesioni?! Edhe kur flasim për prokurime duhet të jetë brenda normave të BE.
Vlera ishte 800 mijë euro ata e çuan 10 milionë euro. S’janë thjesht para, por dëm që u bëhet jetës së qytetarëve. U kërkohet shefave të kirurgjisë të mos bëni më shumë operacione se ky numër! Drejtësia e vonuar është drejtësi e munguar, pasi paratë kanë ikur dhe shumë koncesione janë drejt fundit. Check Up-i s’ka produkt pothuajse fare, i ka para të marra. Nuk na ka dhënë një produkt për 90 milionë euro që i kemi dhënë, përveç diskriminimeve dhe mjekët e kanë mendjen sa check up-e kanë bërë dhe jo shëndeti i pacientëve. Ata duhet të merren me mjekësinë jo se duhet të bëj lekë X, Y, që është i lidhur me qeverinë”.
