Ndeshja e fundit e Kategorisë Superiore për vitin 2024, ajo mes Teutës dhe Bylisit është mbyllur në një barazim me rrjeta të paprekura.
Në ndeshjen e vlefshme për javën e 19-të të Kategorisë Superiore, të dyja ekipet tentuan fitoren, ku patën disa raste, por pa arritur të gjenin golin. Hasanbelli nga njëra anë dhe Tafas në anën tjetrën u bënë vazhdimisht protagonistë me pritjet e tyre.
Kështu si Teuta dhe Bylisi në fund ndanë nga një pikë të merituar për secilën, pasi ndeshja mund të konsiderohej e balancuar.
Pas këtij barazimi, Teuta renditet në vendin e gjashtë me 23 pikë, ndërsa Bylisi ndan vendin e tetë me Tiranën me nga 18 pikë secila.
