Një konflikt mes dy grupeve të rinjsh ka degjeneruar në dhunë dhe përdorim të sendeve të forta mbrëmjen e djeshme në fshatin Shkallë të Bashkisë Konispol.
Raportohet se në konflikt janë përfshirë të paktën 6 persona.
Në spitalin e Sarandës kanë shkuar për mjekim 4 persona, por 19-vjeçari Amarildo Saliko nga Konispoli dhe 22-vjeçari Flori Pasho nga fshati Shalës kanë qenë të plagosur më rëndë. Ata kishin pasur të çara 3-4 cm në kokë.
Policia ka nisur hetimet për ngjarjen dhe mësohet se janë shoqëruar 4 persona të cilët po merren në pyetje për të sqaruar shkaqet e kësaj ngjarjeje.
