Dinamo dhe Egnatia po dhurojnë spektakël në ndeshjen e cila po luhet në Elbasan teksa blutë kryesojnë me rezultatin 2-1.
Kryeqytetasit shënuan golin e parë në minutën e 25-të me anë të Mandelës. Nani gjen Mandelan i cili sheh gjuajtjen e parë të ndalet nga Dobjani, por ky i fundit nuk mund të bëjë asgjë ndaj të dytës së sulmuesit.
Ndërkohë në pjesën e dytë në minutën e 58-të, Dinamo realizoi edhe golin e dytë. Zabërgja nga e majta shmang Veselin e Xhemajlin, pasimi i tij në qendër gjen Nani i cili gjuan dhe çon topin në rrjetë.
Ndërkohë vetëm pak minuta më pas kampionët në fuqi reagojnë duke ngushtur shifrat në 2-1. Kasa nga e djathta harkon në shtyllën e dytë, aty ku Ndreca me një gjuajtje fluturimthi mposht Salin.
