Një ngjarje e rëndë kë ndodhur në rrugën “Myslym Keta” në Tiranë, ku dy të rinj kanë dhunuar me sende të forta një 34-vjeçar.
U bë me dije se në pranga kanë rënë një 19-vjeçar dhe një shtetas 17 vjeçar, pasi gjatë një konflikti për motive të dobëta, kanë goditur me sende të forta J. Gj., 34 vjeç, i cili ndodhet në spital, në kujdesin e mjekëve.
Mësohet se gjatë kontrollit në banesën e 19-vjeçarit u gjet dhe u sekuestrua 1 mjet prerës (thikë).
“Komisariati i Policisë Nr. 4 arrestoi në flagrancë shtetasin Xh. T., 19 vjeç dhe një shtetas 17 vjeç, pasi në rrugën “Myslym Keta”, gjatë një konflikti për motive të dobëta, kanë goditur me sende të forta shtetasin J. Gj., 34 vjeç, i cili ndodhet në spital, në kujdesin e mjekëve. Gjatë kontrollit në banesën e shtetasit Xh. T., u gjet dhe u sekuestrua 1 mjet prerës (thikë)”, njofton policia.
