Nga Armand Maho
“Mos gënje, edhe nëse je në politikë”- Robert Shuman!
Nëse ideatori i BE këtu e 74 vjet më parë, Robert Shuman do dinte se do vinte dita që në podiumet e brukselit, do fliste dhe një kryeministër i një vendi të vogël si Edi Rama, ndoshta do mendohej dy herë për ëndrrën e tij.
Edi Rama (kujdes, është gabim i madh ta njehsosh me Shqipërinë), është ndoshta lideri më i paparshtatshëm për të kërkuar antarësimin në BE. Një njeri që e sabotoi me dashje statusin e vendit kandidat gjatë kohës që ishte në opozitë, duke refuzuar të votonte disa ligje që kërkonin shumicë të cilësuar.
Një kryeministër që gjatë 12 viteve të qeverisjes së tij, nuk ka zbatuar asnjë nga ato parime për të cilat u ideua Bashkimi Evropian. Në konferencën e djeshme, ai do të thoshte se i ka realizuar detyrat, në fakt asgjë nuk është e vërtetë.
Në korridoret e Brukselit ai rëndom po shikohet si njeriu që ka ngritur një shtet, i cili është në varësi të karteleve të narkotrafikut. Një kryeministër i cili ka vënë vendin e tij në dispozicion të pastrimit të parave, Shqipëria është qendra e lëvizjes së ngarkesave nga Amerika Latine drejt porteve të Belgjikës, Holandës apo Gjermanisë, të cilat më pas helmojnë gjithë Europën. Një politikan, vëllai i të cilit përflitet për trafik droge.
Edi Rama është një kryeministër i cili para intelektualit, vlerëson banditin.
Që përze qytetarët e tij nga vendi, që u mohon atyre votën e lirë, që blenë lloj lloj horri të tipit McGonigal, apo të tjerë për të sulmuar opozitën.
Që pret në zyrën e tij përfaqësues të karteleve meksinane dhe kolumbiane, duke u premtuar licensa për hapje kazinosh.
Lista është e gjatë…
Edi Rama gënjeu pa pikën e turpit kur tha se i ka plotësuar detyrat dhe shpresonte që antarësimi të ndodhte brenda kësaj dekade ( po mos ishte ai Kryeministër ndoshta)
Mund ta imagjinojë dikush,se si ndjehen burokratët e Brukselit, kur kanë përpara një gënjeshtar të tillë.
Edi Rama shkon në Bruksel, dhe ka paturpësinë të vendosë afate, në ditët kur atje ende nuk është shuar jehona e tre rezolutave të partive më të mëdha evropiane dhe mbarëbotërore, ku atë, Ramën, e vizatonin si kleptokrat, të korruptuar dhe shtetin që ai kish ngritur si narkodikaturë.
Në prillin e vitit 2009, teksa Shqipëria paraqiste këkesën për antarësim në BE-në bashkë me një grup gazetarësh kam qenë në Bruksel. Vetëm një vit më parë, Shqipëria ishte bërë antare e NATO-s, dhe priste liberalizimin e vizave.
Gjatë një bisede me një gazetare të moshuar Italiane, Maria Laura Francoizi, gazetare e ANSA por që gjithë jetën ishte marrë me çështjet e Brukselit, do më thoshte: Zyrtarëve të Brukselit pak i intereson se çfarë shkruan nëpër letra qeveria juaj, më shumë rëndësi për atë kanë rezultatet në terren dhe ai që ka marrë përsipër të negociojë me ta ”. Në atë kohë kur ia arritëm të gjitha këto, pra NATO-n dhe vizat, negociator ishte Sali Berisha.
Diferencën bëjëni vetë.
