Adoleshenti Borni Dalani, i cili goditi me thikë bashkëmoshatarin Hydai Xhafaj në shkollën e mesme “Mustafa Hoxha” në Cakran të Fierit, do të dalë sot para gjykatës për t’u njohur me masën e sigurisë. Seanca do të nisë në orën 10:15.
Ngjarja ndodhi më 13 Dhjetor pas një sherri që nisi mes tyre për rrjetet sociale. Sipas policisë, konflikti mes dy 17 vjeçarëve ka nisur pasi nxënësi i plagosur Hydai Xhafaj pretendonte se autori i dyshuar Borni Dalani shpërndante në rrjetet sociale fotografi të tij.
Debatet e nisura disa ditë me parë, u përshkallëzuan të premten në përplasje fizike në katin e dytë të shkollës.
