Analisti Genci Burimi ka deklaruar se zgjedhjet në Shqipëri janë një katastrofë e vërtetë, pasi qeveria në pushtet ka nisur të bëjë fushatë me paratë e shqiptarëve.
I ftuar në Syri TV, Burimi tha se duhet qeveri teknike për zgjedhjet.
Ndërsa më tej analisti theksoi se në 12 vite e fundit, nuk ka asnjë të dënuar për korrupsionin në zgjedhjet.
“Duhet hanxhari për t’i prerë dorën çdokujt që vë dorën në zgjedhje, syri s’mjafton. Rama bën ende fushatë me paratë e shqiptarëve, dhe nuk ka asnjë gjobë. Beteja tani nis, sot për sot në Shqipëri zgjedhjet janë katastrofë. Sot zgjedhjet janë si të shkosh, cjapi të kasapi. Duhet jo vetëm qeveri teknike por edhe armatë evropiane, jo vetëm në kuptimin civil por edhe ushatrak të fjalës.
Ajo para e pisët qe blen votën, blen edhe median. Janë të lidhura. Në Shqipëri ka diçka për të bërë, thoshte mafia kalabreze. Për të pastruar para, kemi njerëz të afërt në bashki. Çfarë bën SPAK në Shqipëri kur Ndragheta pastron paratë në Shqipëri.
Bashkia e Tiranës ka kaluar nga 500 punonjës në 2 mijë punonjës. Një bashki merr para të pisët e shton nunmrin e punonjësve dhe punojnë për partinë në pushtet. Çfarë bën SPAK, nga ta kapësh këtë oktapod që ka kaq shumë koka. Është gjendje urgjence. Të paktën një person nuk kemi, në 12 vite në pushtet nga mazhoranca, asnjë i dënuar për korrupsion me zgjedhje“, tha ai.
