Autoritetet iraniane kanë arrestuar dhe më pas kanë lënë të lirë një këngëtare e cila performoi një koncert virtual në YouTube pa veshur një hixhab. Parastoo Ahmady, 27 vjeç, u arrestua në Sari City, kryeqyteti i provincës veriore të Mazandaran.
Të enjten, gjyqësori kishte ngritur një rast në lidhje me performancën e koncertit të Ahmady, në të cilën ajo performoi e veshur me një fustan të zi të gjatë pa mëngë dhe pa jakë, por pa hixhab. Ajo shoqërohej nga katër muzikantë meshkuj.
Ahmady kishte postuar koncertin e saj në YouTube një ditë më parë, duke thënë se dëshiron të këndojë për njerëzit që do. Ajo u shpreh se kjo është një e drejtë që nuk mund ta shpërfilte duke kënduar për tokën që dua me pasion.”
Koncerti online është parë më shumë se 1.4 milionë herë. Avokati Milad Panahipour tha për Associated Press se regjimi iranian u tërhoq përballë presionit, pasi frikësohet nga protestat dhe reagimet e qytetarëve
Ai tha gjithashtu se dy muzikantë në grupin e Ahmady u arrestuan në Teheran të shtunën. Pas Revolucionit Islamik në Iran në vitin 1979, gratë u ndaluan fillimisht të këndonin vetëm ose të kërcenin solo para audiencës me gjini të përzier.
Vokalistët femra mund të performonin për audiencën mashkullore vetëm si pjesë e një kori. Por ato lejohen të këndojnë në një sallë për audiencë vetëm femra.
