Pas fitores së dytë të Donald Trump, disa prej emrave më të njohur në botën e teknologjisë, përfshirë Mark Zuckerberg, Jeff Bezos, Sam Altman dhe Tim Cook, shprehën urimet e tyre për presidentin e sapozgjedhur. Këtë javë, shumë prej tyre po shprehin mbështetjen e tyre me donacione të mëdha për fondin e inaugurimit.
Të mërkurën, Zuckerberg njoftoi një donacion prej 1 milion dollarësh përmes Meta-s, pasi kaloi dy ditë në Mar-a-Lago për të fituar ndikim në administratën e re. Të enjten, Amazon njoftoi gjithashtu një dhurim prej 1 milion dollarësh për inaugurimin e Trump-it, të cilin burime të afërta me Bezosin e përshkruan si një dhuratë personale të tij përmes kompanisë. Po ashtu, OpenAInjoftoi të premten se Altman, CEO i saj, do të dhuronte 1 milion dollarë.
Motivet pas këtyre donacioneve janë të qarta. Trump, i njohur për natyrën e tij hakmarrëse, shpërblen ata që e mbështesin. Një donacion prej 1 milion dollarësh për inaugurimin mund të kthehet shumëfish në favor për këto kompani.
Meta dhe OpenAIshpresojnë të përfitojnë nga qëllimi i administratës për të nxitur rritjen ekonomike përmes zbutjes së kufizimeve mbi inteligjencën artificiale. Bezos ka një interes të madh, duke konkurruar me Elon Musk për kontrata të rëndësishme qeveritare në hapësirë. Një milion dollarë gjithashtu siguron hyrjen në ballon inauguruese, duke u dhënë donatorëve një shans për të tërhequr vëmendjen në janar.
Nëse historia shërben si udhëzues, demokratët e Dhomës së Përfaqësuesve do të monitorojnë me kujdes se kush dhuron dhe ku shkojnë këto para. Komiteti inaugures i parë i Trump-it mblodhi 107 milionë dollarë për disa festa dhe gala, me shumë donacione që thuhet se erdhën përmes ndërmjetësuesve të bizneseve të huaja që nuk mund të dhuronin ligjërisht për fushatën e tij.
Një donator madje u dënua me 12 vjet burg për një donacion të paligjshëm prej 900,000 dollarësh. Komiteti kurrë nuk dha shpjegime të plota për shpenzimet, megjithëse Organizata Trump ktheu afro 1 milion dollarë për të zgjidhur një padi nga prokurori i përgjithshëm i Uashingtonit, i cili pretendonte se firma kishte përfituar nga festa e inaugurimit./Intelligencer
