Dy nxënës janë përfshirë në një sherr me njëri-tjetrin në një shkollë në Cakran të Fierit, ku për pasojë një prej tyre ka mbetur i plagosur në krah.
Drejtori i qendrës shëndetësore Cakran, Tonin Xhelaj, në një interviste për mediat ka pohuar se i 17-vjeçari i dëmtuar është paraqitur për ndihme mjekësore i shoqëruar nga shokët teksa zbulon se ka marrë 4 plagë.
Pasi mori ndihën e parë në spitalin e Cakranit, i mituri u nis për mjekim të specializuar në Spitalin Rajonal të Fierit.
Po ashtu, ai bën me dije se 17-vjeçari është në gjendje të qëndrueshme, jashtë rrezikut për jetën.
“Kur ndodhi ngjarja nuk isha prezent. Më morën në telefon mësuesit, më thanë ka ndodhur një ngjarje. Sa ngritëm grupin për të shkuar në vendngjarje, personin e sollën këtu mësuesit dhe nxënësit, shokët e vetë. Ishte me pak hemorragji në krahun e majtë, dukej që ishte goditur me mjete prerëse.
Gjendja e pacientit ishte shumë e mirë, e qëndrueshme dhe jashtë rrezikut për jetën. Është një aksident, një grindje mes shokëve. iu dha ndihma e parë këtu më pas u nis për mjekim të specializuar në Spitalin Rajonal të Fierit.
Kishte 4 goditje, dy të vogla dhe dy më të mëdha, por në vlerësimin tim mu duk jashtë rrezikut për jetën.”- tregon ai.
