Shorti i kualifikuesve të Kupës së Botës 2026 që u hodh sot në Zvicër, vuri përballë Shqipërinë në të njëjtin grup me Anglinë, Serbinë, Letoninë dhe Andorën.
Një grup mjaft i vështirë për kuqezinjtë, por edhe për vetë kundërshtarët. Shqipëria ka marrë vlerësimet e trajnerit gjerman të Anglisë, Tomas Tuchel, i cili deklaroi mbas shortit se Serbia dhe Shqipëria janë dy skuadra të forta.
“Përshëndetje të gjithë tifozët anglezë, sot ishte një ditë emocionuese. E dimë grupin tonë, katër kundërshtarë të fortë si Serbia, Shqipëria, Letonia që është një sfidë e re për ne, dhe Andorra. Mezi pres të filloj në janar dhe mezi pres t’ju shikoj në mars ku do të luajmë ndeshjet e para. Të vazhdojmë bashkë. Përshëndetje më të mira nga Zyrih, shihemi së shpejti”, shprehet Tuchel.
