Ministri i Brendshëm, Ervin Hoxha është pyetur sot nga gazetarët mbi ngjarjet e fundit kriminale që kanë tronditur vendin.
I pyetur mbi aksionin e fundit të policisë në Shkodër, Hoxha dha disa sqarime, ndërsa sa i përket Masakrës së Dobraçit me 4 viktima, deklaroi se do të kemi shumë shpejt arrestime dhe emrat e autorëve.
Ndërsa më tej Ministri tha se Policia e Shtetit pritet të ketë së shpejti një deklaratë për media, ku do të japë detajet nga ngjarja e ndodhur dhe personat përgjegjës.
“Kemi pasur raste dhe ngjarje kriminale me pasojë vdekjen. Policia, në bashkëpunim me prokurorinë e SPAK, po heton këto ngjarje. Dje, në Shkodër, u zhvilluan kontrolle, ndalime dhe shoqërime të personave të implikuar në ngjarje të rënda kriminale. Për emrat duhet të presim deklaratat shumë shpejt, edhe për emrat e implikuar në ngjarjen e Dobraçit,” u shpreh ministri.
