Nico Williams vazhdon të jetë një opsion për Barcelonën, por situata ka ndryshuar krejtësisht. Tashmë ka shumë klube që kanë interes për spanjollin dhe nuk janë vetëm katalanasit në pole-position.
Drejtuesit e Barcelonës në verë tentuan ta transferonin yllin e kombëtares spanjolle, i cili luan tek Athletic Bilbao. Madje, ky ishte lajmi më i bujshëm i merkatos së katalanasve.
22-vjeçari vendosi që të qëndrojë në skuadrën baske, por ka edhe dy vite e gjysmë kontratë dhe kjo e bën lojtar atraktiv për klubet e mëdha europiane, sepse për Bilbaon bëhet më e vështirë ta mbajë.
The Athletic raporton se Nico Williams nuk e ka në planet e afërta Barcelonën. Ai po joshet nga ideja për të luajtur jashtë Spanjës.
Manchester United, Tottenham, Arsenal dhe Chelsea kanë shfaqur interes konkret për sulmuesin, ndërkohë që në listë janë edhe PSG me Bayern. Ai aktualisht vlerësohet 60 mln euro.
