Një sherr mes dy adoleshentëve është regjistruar në Dibër, i cili ka degraduar deri në përdorimin e thikës dhe plagosjen e njërit prej tyre.
Burimet zyrtare raportojnë se 18-vjeçari Orgest Hidri ka plagosur me thikë bashkëmoshatarin e tij, shtetasin F.K., pas një konflikti për motive të dobëta. Ngjarja është regjistruar në lagjen “Kamen” të Peshkopisë.
Policia e Dibrës ka shkuar në vendin e ngjarjes pas marrjes së informacionit dhe ka arrestuar autorin Orgest Hidri.
“Ky shtetas pas një konflikti për motive të dobëta, është konfliktuar fizikisht dhe ka dëmtuar me mjet prerës (thikë), shtetasin F.K., 18 vjeç, banues në Peshkopi”, njoftojnë autoritetet.
Materialet procedurale i kaluan Prokurorisë pranë Gjykatës së Shkallës së Parë Dibër, për veprime të mëtejshme.
