Një vajzë peruane është arrestuar në Tiranë për llogari të Policisë së Elbasanit, pasi akuzohet si tutore në bazën e prostitucionit të goditur pak ditë më parë në Elbasan.
Në pranga është vënë shtetasja peruane F. G., 23 vjeçe, mbi të cilën rëndon akuza për veprën penale “Shfrytëzimi i prostitucionit”.
23-vjeçari akuzohet se në bashkëpunim me persona të tjerë nga vendet e Amerikës Latine, kishin përshtatur për shfrytëzim prostitucioni, ambiente të marra me qira, si dhe duke u promovuar në faqe online ofronin marrëdhënie seksuale kundrejt pagesave.
Ndërkohë, ditën e djeshme u arrestua në pikën kufitare të Morinës dhe bashkëpunëtori i saj, shtetasi peruan J. G., 44 vjeç, i akuzuar për të njëjtën vepër penale.
Ndërsa gjatë operacionit të koduar “Fee”, Policia e Elbasanit arrestohet dhe:
– shtetasit kolumbiane A. B., 22 vjeç, dhe L. B., 19 vjeçe, për veprën penale “Shfrytëzimi i prostitucionit”,
– shtetaset spanjolle S. F., 36 vjeçe, dhe M. C., 32 vjeçe, për veprën penale “Prostitucioni”
– shtetaset kolumbiane P. S., 27 vjeçe, dhe Y. A., 29 vjeçe, për veprën penale “Prostitucioni”
– shtetasja venezueliane A. R., 38 vjeçe, për veprën penale “Prostitucioni”.
Gjithashtu, u procedua penalisht dhe shtetasja venezueliane Y. O., 31 vjeçe, për veprën penale “Prostitucioni”.
Shtetasit e mësipërm kishin përshtatur për shfrytëzim prostitucioni ambiente të marrë me qira, në lagje të ndryshme të qytetit dhe ushtronin këtë aktivitet të paligjshëm. Ata/ato e promovonin këtë aktivitet në faqe online ku ofronin favore seksuale kundrejt pagesave.
