Duke marrë shkas nga ngritja e njëanshme nga ana e mazhorancës të Komisionit Xhajfaj, Bashkimi Europian ka shprehur shqetësim në lidhje me fatet e Reformës në Drejtësi.
Ambasadori i BE-së në Shqipëri, Silvio Gonzato, tha gjatë një takimi se politika nuk duhet të prekë pavarësinë e Reformës në Drejtësi.
Për përfaqësuesin e Brukselit, Komisioni i Posaçëm për Antikorrupsionin dhe sundimin e ligjit, duhet të bazohet në detyrat që i ka dhënë Bashkimi Europian.
“Parimi udhëheqës duhet të jetë pakthyeshmëria e reformës në drejtësi. Shqipëria është angazhuar qartë të forcojë pavarësinë e magjistratëve dhe sistemi prokurorisë e gjyqësor për të konsoliduar llogaridhënien në të gjitha nivelet. Është thelbësore që ekuilibrat institucionalë ekzistues dhe ndarja e pushteteve të garantohen plotësisht“, tha ai.
