Jamal Musiala erdhi nga stoli i rezervave me Bajernin gjatë ndeshjes me Haidenhaim, kur rezultati ishte i barabartë 1-1.
Me finalizimin e 4-2 për Bayern, Musiala mori topin pranë vijës së gjysmës së fushës dhe vrapoi deri në fund për të shënuar golin e katërt të bavarezëve.
Nuk munguan elozhet prej anëtarit të bordit Max Eberl: “Mesi në Barcelonë ose Ronaldo në Real Madrid, ata janë thjesht lojtarë të mëdhenj që mund të vendosin ndeshjet. Xhamal mund ta bëjë këtë, ne e dimë”.
Musiala lindi në Gjermani, por u rrit në Angli dhe erdhi nga akademia e Çelsit. Pavarësisht se përfaqësonte “Tre Luanët” si adoleshent së bashku me mikun Jude Bellingham, Musiala zgjodhi të kalonte besnikërinë e tij në Gjermani si një lojtar.
Eberl lavdëroi Jamal për marrjen e “detyrës” si goleador në ekip pas dëmtimit të Herri Kejn, i cili ka munguar në dy ndeshjet e fundit për shkak të një këputjeje.
“Faleminderit Zotit ne kemi dikë tjetër në pozicionin e Kane që mund të vendosë gjithashtu ndeshjet, por ai është i dëmtuar për momentin, kështu që Xhamal luaj si “pykë”. Është thjesht një cilësi e jashtëzakonshme. Të gjithë e dimë se çfarë futbollisti i madh është.
Ka një arsye që ne po flasim për të çdo fundjavë dhe pas çdo ndeshje”, përfundoi Maks Eberl. Statistikat e 21-vjeçarit deri në këtë pikë të ciklit 2024-2025 janë 12 gola dhe 4 asiste në 19 ndeshje.
Kartoni i talentit gjerman llogaritet sipas mediumi ekspert të “Transfermarkt” deri në 130 milionë euro. Rinovimi me Bajernin sipas “Bild” mes Musialës dhe bavarezëve është çështje ditësh.
