Kryedemokrati Sali Berisha ka njoftuar se në 23 dhjetor do të mbahet protesta e radhës e opozitës, të cilën ai e ka cilësuar si dita më e fuqishme e mosbindjes civile. Ai tha se modalitetet e kësaj mosbindje civile do të përcaktohen nga grupi përgjegjës.
Berisha u bëri thirrje të gjithëve të marrin pjesë në këtë mosbindje civile. Ai thotë se kjo protestë do të ketë fuqinë e elektroshokut për atë që e quan “regjimi narko-diktatorial i Edi Ramës”.
“Data 23 Dhjetor do të jetë dita e mosbindjes civile më të fuqishme kombëtare që ka njohur Shqipëria deri më sot.
Modalitetet e kësaj mosbindje civile do të përcaktohen nga grupi përgjegjës, por opozitarët, demokratët nga mbarë Shqipëria e kudo që ndodhen në botë duhet të bashkohen më 23 në një mosbindje civile. Duhet të ketë fuqinë e elektroshokut për regjimin narkodiktatorial të Ramës.”- tha Berisha.
