Një 40-vjeçar shqiptar është arrestuar nga policia në Itali, pasi dyshohet se ka dhunuar partneren e tij.
Mediat italiane shkruajnë se shqiptari ka kërcënuar, fyer dhe goditur disa herë partneren e tij në sy të vajzës së saj të mitur, pasi gruaja kishte vendosur t’i jepte fund lidhjes me 40-vjeçarin. Ka qenë vetë e reja që ka telefonuar menjëherë policinë.
Ky nuk është i vetmi rast në Itali brenda 48 orëve. Pasi një tjetër i ri, në gjendje të dehur ka sulmuar partneren e tij gjatë një debati. Në këtë rast, Policia është lajmëruar nga motra e të dhunuarës.
Gruaja u transportua në spitalin Galliera për mjekim, ndërsa 41- vjeçari u largua nga shtëpia me ndalim të njëkohshëm për t’iu afruar vendeve të frekuentuara nga partnerja, në pritje të vlerësimeve të mëtejshme nga autoriteti gjyqësor.
