Katër aktiviste janë arrestuar në Romë, pasi u përpoqën t’i afroheshin autokolonës së Papa Françeskut, e cila kalonte në sheshin Piazza di Spagna, teksa qindra qytetarë ishin në protestë kundër ndeshjeve me dema.
Sipas mediave të huaja, Papa ishte në shesh për të vendosur lule në statujën e Virgjëreshës Mari, gjatë festës së sotme katolike të Konceptimit të Papërlyer të Virgjëreshës Mari.
Policia dhe roja e papës e penguan fillimisht një grua të afrohej te autokolona e Papës, e cila vazhdoi më pas rrugën normalisht.
Në të njëjtën kohë, edhe disa aktiviste të tjera femra që u shtrinë në rrugë për të bllokuar makinën e Papa Françeskut, u arrestuan nga policia.
