Një kioskë në zonën e ish-Bllokut në kryeqytet ka rënë pre e grabitjes këtë të diel nga persona ende të paidentifikuar.
Sipas informacioneve paraprake, mësohet se ngjarja ka ndodhur gjatë pasdites. Pronarja e kioskës ka deklaruar se autori ka marrë një shumë parash.
“Më datë 08.12.2024, rreth orës 17:10, në një kioskë në zonën e Ish-Bllokut, një shtetas ende i paidentifikuar, dyshohet se në kërcënimin e një sendi akoma të papërcaktuar (paraprakisht dyshohet pistoletë lodër), i ka vjedhur rreth 300 lekë të rinj shitëses së kioskës dhe më pas është larguar“, njoftoi policia.
Në vendngjarje kanë shkuar forcat e policisë, të cilët bënë rrethimin e vendit të ngjarjes dhe kqyrjes së kamerave të sigurisë. Ndërkohë, mësohet se janë vënë në ndjekje të autorit.
