Grupi Parlamentar i PD-së, i ka bërë thirrje kryeparlamentares Elisa Spiropali që të zbardhë draft opinionit të Komisionit të Venecias që është miratuar sot në lidhje me madatin e Olta Xhaçkës.
PD kërkon nga Spiropali që të iu dorëzohet draft opioni dhe se mbajtja e fshehtë e tij, bëhet me qëllim për të dezinformuar opinionin publik.
“Mbajtja të fshehtë e draft opinionit të Komisionit të Venecias që është miratuar sot, apo përjashtimi i opozitës nga ky proces, ka patur si qëllim pikërisht dezinformimim e opinionit publik përmes prodhimit të lajmeve të pavërteta të sajuara nga Kryetarja e Kuvendit dhe me fjali të nxjerra jashtë kontekstit të opinionit të Komisionit të Venecias.
Padyshim kur ka trajtuar parimin e mandatit jo detyrues, jo Komisioni i Venecias, por edhe vetë Gjykata jonë Kushtetuese, sqaron që deputetet si rregull janë të lirë të votojnë sipas vullnetit të tyre, por ky rregull sigurisht që nuk ka lidhje me çështjen në fjalë, siç Gjykata Kushtetuese ka sqaruar”, thuhet në njoftimin e PD-së.
Kujtojmë që edhe ditën e djeshme, opozita kërkoi në Kuvend, zbardhjen e draft opinionit të Komisionit të Venecias, në lidhje me mandatin e deputetes së ish-ministres së Jashtme, Olta Xhaçka.
