Pas 10 muajsh i shpallur në kërkim, 21-vjeçari që braktisi automjetin me emigrantë në aksin rrugor “Tuneli-Morinë” është arrestuar nga Policia e Shkodrës. uniformat blu bëjnë të ditur se atë kohë, në automjet janë gjetur 18 shtetas sirianë.
Arrestimi i të riut është bërë në bazë të informacioneve të mbledhura, ndërsa është lokalizuar dhe kapur në qytetin veriur, Shkodër.
21-vjeçari, me masë sigurie “Arrest në burg”, caktuar nga Gjykata e Kukësit, për veprën penale “Ndihma për kalim të paligjshëm të kufijve”, u shpall në kërkim në muajin mars të vitit 2023, në kuadër të operacionit “Kalimashi”, sepse braktisi automjetin me të cilin u konstatua duke transportuar në aksin rrugor “Tuneli-Morinë”, 18 emigrantë nga Siria, të cilët synonin të kalonin ilegalisht, kufijtë. Materialet procedurale i kaluan Prokurorisë, për veprime të mëtejshme.
