Prokuroria e Posaçme (SPAK) ka dalë me një reagim të shkurtër për mediat në lidhje me kontrollin e ushtruar mëngjesin e kësaj të premte nga oficerët e BKH-së në banesën e Arbër Veliajt, vëllai i kryetarit të Bashkisë së Tiranës, Erion Veliaj dhe sekuestrimin e telefonit të Ajola Xoxës, bashkëshortja e kryebashkiakut.
Në reagimin zyrtar, SPAK thotë se janë ndërmarrë disa veprime hetimore, ndërsa hetimi është ende në faza paraprake.
“Prokuroria e Posaçme kundër Korrupsionit dhe Krimit të Organizuar informon se janë ndërmarrë disa veprime hetimore në kuadër të një procedimi penal. Duke qenë se hetimi ndodhet ende në fazën paraprake nuk mund të publikojmë të dhëna apo informacion të mëtejshëm në këtë moment. Faleminderit për mirëkuptimin”, thuhet në reagimin e SPAK.
Ndërkohë, mësohet se BKH ka ushtruar kontrolle edhe në galerinë “Harabel” të Ajola Xoxës, e cila nga publikimet në media dyshohet për pastrim parash dhe e lidhur me kompanitë e inceneratorit të Tiranës.
Kontrollet janë ushtruar në kuadër të hetimit pasuror të nisur ndaj Erion Veliajt dhe familjarëve të tij.
Koncesioni i Sharrës dhe arti i larë me gjak/ Rasti “Harabel” dhe Bashkia e Tiranës
“5D Konstruksion” dhe Ajola Xoxa, skemat e pastrimit të parave
