Dy sulmuesit më të kërkuar në Europë aktualisht janë Viktor Gyökeres dhe Victor Osimhen. Kanë të njëjtin emër, por klube të ndryshme pas tyre.
El Nacional raporton se Manchester United është gati të paguajë shifrën që kërkon Sportingu i Lisbonës për Gyökeres. Arsyeja është rreziku që vjen nga Barcelona.
Katalanasit e kanë objektiv kryesor sulmuesin, sepse qendra e sulmit të tyre është pozicioni më delikat për momentin, duke qenë se Robert Lewandowski është në fundin e karrierës.
Ndërkohë, Osimhen duket se do të transferohet te PSG në merkaton e janarit. Aventura e tij te Galatasaray nuk mund të vijojë më gjatë në huazim, sepse synimi i tij është të luajë në një ligë të fortë europiane.
Për të ka shfaqur interes edhe Juventusi, por klubi bardhezi nuk e përballon koston e blerjes së nigerianit. Në Paris janë të gatshëm të paguajnë aq sa kërkon Napoli.
