Një person është gjetur pa shenja jete në automjetin e tij, pasditen e kësaj të mërkure në qytetin e Korçës.
Viktima është shtetasi C. M., 45 vjeç, teksa ngjarja ka ndodhur në lagjen nr. 10 të qytetit juglindor, në një rrugë dytësore krahas unazës.
Autoritetet policore raportojnë se nga këqyrja e jashtme e trupit të viktimës nuk janë konstatuar shenja dhune dhe dyshohet për vdekje natyrale.
Grupi hetimor nën drejtimin e Prokurorisë po punon për sqarimin e rrethanave të rastit.
