Dy klube italiane i janë vënë pas një lojtari të Barcelonës. Bëhet fjalë për mbrojtësin Andreas Christensen, hapësirat e të cilit në “Camp Nou” janë thuajse zero.
28-vjeçari ka katër muaj që nuk luan për shkak dëmtimi. Ai nuk konsiderohet më si lojtar i rëndësishëm nga trajneri Hansi Flick dhe Barcelona po mendon ta shesë.
Kontrata e tij aktuale me klubin katalanas skadon në vitin 2026, kështu që presidenti Laporta e ka planifikuar shitjen e tij në janar ose në verë 2025, për të mos e humbur me parametra zero.
Duke qenë se Ronald Araujo, Pau Cubarsi, Inigo Martinez dhe Eric Garcia janë të avantazhuar në raport me të, Christensen e ka pranuar vullnetin e klubit.
Klubet e interesuara për të janë Interi dhe Juventusi, dy klube të cilat kanë nevojë për më shumë opsione në qendër të mbrojtjes. Barcelona e vlerëson 20 mln euro lojtarin.
