Një i ri nga Delvina është arrestuar nga Policia e Sarandës, pasi akuzohet se prodhonte dhe shiste vaj kanabisi, teksa në banesë i janë gjetur edhe armë zjarri dhe armë të ftohta.
Në kuadër të operacionit policor të koduar “Haze” është vënë në pranga shtetasi Barjam Kanushi, 35 vjeç, banues në Delvinë.
Pas informacioneve të siguruara nga blutë e qyetetit bregdetar, raportohet se ai është kapur në aksin rrugor Delvinë-Sarandë duke transportuar vaj kanabisi.
Gjatë kontrollit të 35-vjeçarit dhe të banesës së tij, uniformat blu kanë sekuestruar .5 litër vaj kanabisi, 1 armë zjarri kallashnikov, një armë të ftohtë thikë, 3 krehëra, një sasi municioni luftarak, dhe një sasi kanabis sativa në formë çokollate.
Materialet hetimore iu referuan Prokurorisë së Sarandës për veprime të mëtejshme procedurale.
