Një aksident është shënuar pak më parë në qytetin e Korçës. Mësohet se një automjet ka përplasur një këmbësor rreth 75 vjeç në afërsi të drejtorisë së transporteve në unazën e qytetit.
I plagosuri po merr mjekim në spital dhe është jashtë rrezikut për jetën.
“Rreth orës 14:15, në lagjen nr. 10, automjeti tip “Volkswagen” me drejtues shtetasin M. I., ka përplasur shtetasin Dh. F., 75 vjeç, këmbësor, i cili po merr mjekim në spital dhe është jashtë rrezikut për jetën.
Drejtuesi i automjetit është shoqëruar në Komisariat, për veprimet e mëtejshme.”– njofton policia.
Grupi hetimor po punon për zbardhjen e rrethanave të aksidentit.
