Edon Zhegrova vazhdon me paraqitjet pozitive të tij me Lille, teksa ditën e sotme ka arritur të shënojë golin e katërt në kampionat për këtë sezon.
Anësori kosovar shënoi golin e vetëm të takimit në ndeshjen që Lille zhvilloi në shtëpi përballë Rennes, të vlefshme për javën e 12-të të kampionatit.
Në minutën e 45′, Zhegrova e nisi vetë fazën finale të aksionit dhe pas një kombinimi të bukur me David nuk mund të gabonte nga pranë portës, duke shënuar golin që kaloi në epërsi ekipin.
Me këtë fitore, Lille qëndron në vendin e katërt në tabelën e renditjes me 22 pikë.
Kujtojmë se Zhegrova ka shkëlqyer këtë sezon duke qenë protagonist edhe në Champions League, me shumë klube evropiane që pritet “të trokasin” në derën e francezëve për 25-vjeçarin. 25 milionë euro është vlera e Zhegrovës në treg.
Zhegrova on the scoresheet again pic.twitter.com/KeM9bcWOLL
— Ben Mattinson (@Ben_Mattinson_) November 24, 2024
