Milani dhe Juventus u ndanë në paqe nga “San Siro” pas një barazimi pa gola.
Pavarësisht tentativave të skuadrave për gol, asnjëra nuk ja doli. Në minutën e 69-të kuqezinjtë e Fonsekës pretenduan për penallti, por arbitri vijoi lojën.
Deri në vërshëllimën e fundit të gjyqtarit nuk pati ndonjë rast për t’u veçuar me lojën që po zhvillohej kryesisht me duele fizike në mesfushë dhe të dy ekipet u desh të pajtoheshin me nga një pikë.
Pas javës së 13-të Milani shkon në kuotën e 19 pikëve dhe mban vendin e shtatë në tabelë, teksa Juventusi ka 25 dhe renditet i pesti.
