Prokuroria e Tiranës ka përfunduar hetimet dhe dërgoi në gjyq 20-vjeçarin Ermes Hoxhalli, i cili akuzohet se krijoi një skemë mashtrimi ku premtonte bursa studimi falas dhe udhëtime në USA.
Sipas organit të akuzës, 20-vjeçari ka mashtruar zyrtarë të ministrisë nëpërmjet falsifikimeve.
“Nga hetimet në kuadër të procedimit penal nr.1819, datë 11.03.2024, rezultoi se ky shtetas krijoi një identitet të rremë si Klea Rama dhe duke përdorur kredencialet e një diplomateje të lartë të Ambasadës së Shteteve të Bashkuara Tiranë, ka mashtruar zyrtarë të nivelit vendor arsimor në Shqipëri”, thuhet në njoftim.
Ermes Hoxhalli akuzohet se duke pretenduar se udhëhiqte një projekt për të rinjtë nën logon, “Let’s talk together aboutUS’23 dhe 24” ai lëshoi edhe 19 çertifikata pjesëmarrjeje për nxënës dhe të paktën një mësues të shkollës së Mesme “Ali Demi”, Vlorë me temë “Projekti Let’s talk together about US’23”.
Dokumentat e falsifikuara si çertifikatat, vulat, firmat, logot, foto dhe videot iu gjetën në laptonin e tij dhe aparatët celularë.
Ndaj tij u ngritën akuzat për veprat penale “Falsifikim kompjuterik” dhe “Falsifikimi i dokumentave”,
