Një video alarmante po qarkullon në rrjetet sociale e cila tregon se adoleshentët janë si “bombë me sahat” për shoqërinë shqiptare.
Siç mund ta shihni në videon më poshtë, dy adoleshentë teksa ndodhen “live” në Tik-Tok tallen me 14-vjeçarin e vrarë, Martin Cani, ndërsa kryefjala e bisedës mes tyre është dhuna.
Sipas raportimeve mediatike, njëri prej të miturve është kushëriri i vrasësit të 14-vjeçarit, ndërsa tjetri shok i tyre të cilët gjatë komunikimit mes tyre shprehin urrejtjen ndaj adoleshentit të ndierë.
Jo vetëm që nuk e dënojnë krimin e rëndë, por shoku i tyre e cilëson “gjuajtës” 14-vjeçarin që vrau shokun e klasës dhe thotë se ai duhet ta kishte goditur edhe në kokë, përveç se në zemër.
Ata madje flasin edhe për një grup në Snapchat, mjaft i përdorur nga të miturit, ku shajnë të tjerët. Gjatë komunikimit dy adoleshentët thonë se kush i shan do ta bëjnë shembull. Video më poshtë është publikuar nga JOQ:
