Një 32- vjeçar është arrestuar në nga policia e Korçës, pasi po transportonte kanabis.
Bëhet fjalë për 32-vjeçarin Skerdiljan Spahi, i cili kishte fshehur në motorrin e mjetin katër qese me lëndë narkotike me qëllim shitjen.
Arrestimi i të riut erdhi në kuadër të operacionit të koduar “Aksi”.
Njoftimi i policisë:
Korçë/ Finalizohet operacioni policor antidrogë i koduar “Aksi”, për goditjen e veprimtarisë kriminale në fushën e narkotikëve.
Kishte fshehur në motorrin e automjetit katër qese me lëndë narkotike dhe e transportonte për në Korçë me qëllim shitjen, kapet në flagracë dhe vihet në pranga një 32-vjeçar.
Seksioni për Hetimin e Narkotikëve i DVP Korçë, në vijim të punës për goditjen e veprimtarisë kriminale në fushën e narkotikëve në kuadër të operacionit të koduar “Aksi”, kapën dhe arrestuan në flagrancë shtetasin S. S., 32 vjeç, banues në fshatin Cangonj.
Ky shtetas u kap në aksin “Bilisht -Korçë”, duke transportuar me automjetin e tij 4 qese me kanabis (3 kilogramë) të cilat i kishte fshehur në pjesën e motorrit të automjetit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
