Policia e Elbasanit ka arrestuar një 34-vjeçar të shpallur në kërkim nga drejtësia e Kosovës për trafik droge.
Në pranga është vënë shtetasi Erion Etemaj, banues në Elbasan, i cili është kapur në fshatin Papër me qëllim ekstradimin drejt Kosovës
“Gjykata Themelore e Pejës, me vendimin e datës 30.10.2024, i ka caktuar këtij shtetasi, masën e sigurisë “Arrest në burg”, për veprat penale “Kultivimi i bimëve të hashashit, shkurres së kokainës ose bimëve të kanabisit” dhe “Blerja, posedimi dhe shitja e paautorizuar e narkotikëve, substancave psikotrope dhe analoge”, parashikuar nga Kodi Penal i Republikës së Kosovës.” – thuhet në njoftimin e bluve të Elbasanit.
Interpol Tirana po bashkëpunon me autoritetet kosovare për ekstradimin e 34-vjeçarit
