Mbrëmjen e së premtes me urdhër të SPAK-ut po zhvillohet një operacion anti-drogë në Tiranë dhe zona të tjera.
Burime mediatike bëjnë me dije se agjentët e policisë po ushtrojnë kontrolle në zonën e Kodrës së Diellit dhe Qerekë, për të goditur një grup kriminal në trafikun e drogës.
Gjithashtu kontrolle po bëhen edhe në qytete të tjera, ku një laborator droge është zbuluar në Qerek të Krujës në Nikel, por burimet mediatike bëjnë me dije se një tjetër është gjendur edhe në Tiranë.
Sipas të dhënave të policisë bëhet fjalë për sasi të mëdha kokaine që ka trafikuar grupi. Është gjetur sasi kokaine te banesa ne Qerekë dhe përzierës.
Operacionalja e Policisë së Shtetit ka kryer kontrolle në zonë me 5 automjete, me qëllim arrestimin e disa personave të cilët lidhen me eksponentë të krimit dhe dyshohet se shpërndajnë kokainë.
- Në pamjet shihet makina e policisë teksa hyn në rezidencën “Kodra e Diellit”.
Forcat e “Operacionales” të drejtuara nga SPAK knë kryer kontrolle edhe me qen antidrogë në këtë zonë, ndërsa operacioni paralelisht vijon edhe në disa qytete të tjera.
Gjithashtu kontrolle janë zhvilluar dhe në disa vila në bregdet. Disa agjenci ligjzbatuese marrin pjesë në aksion. Në krye të operacionit mësohet se qëndrojnë SPAK dhe autoritetet ligj-zbatuese nga Spanja, për llogari të të cilëve po kryhet ky aksion.
Mësohet se po ekzekutohen disa urdhër arreste të lëshuara me vendim të GJKKO. Ende nuk ka informacion zyrtar nga SPAK apo Policia e Shtetit lidhur me operacionin, por burimet thonë se disa persona janë vendosur në pranga si pjesë e trafikut ndërkombëtar të kokainës.
