Kazuyoshi Miura nuk ka ndër mend t’i japë fund karrierës së tij legjendare. Sulmusei i njohur japonez, në moshën 57-vjeçare, ka rinovuar kontratën e tij për një tjetër sezon për të luajtur me Atletiko Suzuka, raporton AP.
Futbollisti vazhdon karrierën e jashtëzakonshme që e ka kthyer në një legjendë kudo dhe ka zgjatur me një tjetër vit marrëveshjen me Jokohama FC ku ka luajtur nga viti 2006, deri në vitin 2022, por tashmë për t’u dhënë përsëri në huazim te skuadra e kategorisë së katërt japoneze, ku ishte edhe në edicionin e fundit.
Me sa duket, “Mbreti Kazu” do t‘i qëndrojë besnik deklaratës së tij që të luajë deri në moshën 60-vjeçare, duke thelluar rekordin që ka vendosur për karrierën më jetëgjatë në futboll.
Ai mban shumë rekorde të tilla, por më unikë janë ato si i vetmi që ka shënuar gol në një ndeshje zyrtare në 5 dekada të ndryshme (1980, 1990, 2000, 2010 e 2020), si dhe që ka shënuar të paktën një gol në kampionate të katër kontinenteve të ndryshëm (Azi, Amerikë, Europë dhe Oqeani).
