Kolegji i Posaçëm i Apelimit, KPA shpalli të martën më 12 nëntor vendimin për lënien në fuqi të shkarkimit nga detyra të gjyqtares së Lushnjës, Saemira Hila.
Vendimi u mor me shumicë votash nga trupi gjykues i Kolegjit i kryesuar nga Natasha Mulaj, me relatore Albana Shtyllën dhe anëtarë Ina Rama, Rezarta Schuetz dhe Sokol Çomo, pas gjykimit në dhomë këshillimi të ankimit të Hilën ndaj vendimarrjes së Komisionit të Pavarur të Kualifikimit, KPK.
Gjyqtarja Saemira Hila u shkarkua më 5 nëntor 2021, pasi Komisioni konkludoi probleme për pasurinë, kriterin e vetëm për të cilin u përmbyll procesi i rivlerësimit të saj.
Saemira Hila e filloi karrierën në sistemin e drejtësisë në vitin 2000 dhe punoi prej gati dy dekadash si gjyqtare në Gjykatën e Lushnjës./ BIRN
