Disa ditë më parë Manderina Çela, nënë e 3 fëmijëve dhe e martuar prej 15 vitesh, u plagos me thikë nga Ilir Çami në mes të rrugës në qytetin e Korçës. Në një rrëfim për Euronews Albania, ajo mohoi të ketë pasur lidhje intime me agresorin, ndërsa theksoi se ai e përndiqte prej kohësh.
Sipas saj, para se të kryente krimin, Ilir Çami i ka kërkuar që të kryenin marrëdhënie seksuale, si dhe e ka ftuar në kafe.
“Nuk kam pasur asnjë lidhje me të, siç thonë mediat. Janë gënjeshtra. Nuk kam pasur asnjë lidhje me të. Atë ditë që ndodhi ngjarja isha tek nipi në spital, erdhi me ndoqi. Sapo dola, ai me preu rrugën dhe i thashë: mos me ndiq, nuk kam të bëj më ty. Më kërkoi diçka që nuk e them dot këtu. Po, më kërkoi marrëdhënie seksuale. Dhe kafe. I thashë nuk vij. E shtyva me duart e mia. Nxori thikën e tha do të të ther. Vendosi thikën në grykë, e shtyva, i ra thika poshtë, me shtriu përtokë, do të të ther tha. E mbajta. Në momentin që kreu krimin, ngrinte kokën dhe shihte dikë. Nuk e di kë priste, me kë do me therte”, – tregoi ajo.
Ajo hodhi poshtë pretendimet se ka marrë lekë prej Ilir Çamit ndërsa theksoi se vazhdimisht e kishte denoncuar në polici për përndjekje por asnjëherë nuk e kishin mbajtur në burg,
“Nuk kam folur fare, me ka ndjekur tre vite, me ndiqte nga pas, nuk me linte, unë me burrin, ai pas. Shkoja denoncoja në polici. E nxirrnin në darkë. Donte të më shkatërronte familjen”, tha gruaja.
A ke pasur lidhje dashurie me të? Ke marrë 5 milion lekë?
“Jo, fare. Është gënjeshtrat. Unë nuk i kam marrë lek. Burrin emigrant unë, djali emigrant. Janë të gjithë gënjeshtra. Hapte Facebook në emrin tim, në emrin e tij, foton e tija, i shkruante njerëzve. Nuk e kam unë I thosha njerëzve. Me ka turpëruar”, u shpreh ajo.
Kujtojmë se në deklaratën e dhënë para policisë por edhe gjykatës, Ilir Çami është shprehur se pasi mbaroi masën e arrestit në shtëpi, ishte larguar drejt Greqisë dhe përsëri kishte komunikuar nëpërmjet telefonit me Mandarina Çelën. Ditët e fundit ajo kishte kërkuar shkëputjen e marrëdhënies me 41 vjeçarin por një gjë e tillë nuk është pranuar nga ana e Ilir Çamit.
Ilir Çami ka qenë në një bashkëjetesë në Greqi, por i divorucuar se fundmi, ndërsa Mandarina Çela është nëna e tre fëmijëve, e martuar rreth 15 vite më parë.
