Inzaghi: Kundër Napolit duhet Interi më i mirë |

Simone Inzaghi e ka të qartë që për të mposhtur Napolin në “San Siro”, skuadra e tij duhet të shfaqet në versionin e saj më të mirë.

“Nesër (sot) do të jetë një ndeshje e bukur, përballemi me ekipin që është në krye të kampionatit. Conte i ka dhënë organizim të shkëlqyer skuadrës, që është shumë e fortë dhe ka shumë cilësi, do të duhet Interi më i mirë për të mposhtur Napolin”.

Fjalë “të ëmbla mjaltë” për skuadrën e Contes, që ndryshe nga Interi nuk është i angazhuar në Europë dhe duket se është më i freskët.

“Ne po përgatitemi të luajmë një ndeshje të madhe, duke u përpjekur të rikuperojmë energjinë fizike dhe mendore. Tani na duhet përpjekja e fundit kundër Napolit. Kemi pasur disa probleme me rotacionet në këto ndeshje sepse kemi humbur disa lojtarë, por kam besim të madh, jam shumë i lumtur që kam një grup solid, djemtë punojnë gjithmonë me buzëqeshje dhe për mua është një shenjë e madhe që jam me fat që kam shumë drejtues në ekip që më ndihmojnë çdo ditë”.

Me tej, trajneri i Interit shton.

“Ne po mundohemi të rikuperohemi këto ditë nga ndeshja e së mërkurës dhe po përgatitemi mirë, Napoli ka pësuar vetëm një gol në Verona jashtë fushe dhe i dimë cilësitë e tyre. E dimë se detajet në këto ndeshje mund të bëjnë diferencën, do të duhen shumë. organizim që të mos i ikë asgjë”, ka thënë sërish Inzaghi në prag të ndeshjes. Me fitore Interi do të rikthehej në krye të tabelës: “Është herët për të folur për tabelën, kanë mbetur edhe shumë ndeshje, por e dimë që kjo ndeshje është e rëndësishme për ecurinë tonë dhe është ndeshja jonë e fundit para pushimit. Ne duam të përfundojmë mirë duke e ditur se kemi më shumë kundër një ekipi shumë të fortë”.