Lajm i keq për Kombëtaren në prag të ndeshjeve me Çekinë dhe Ukrainën.
Mbrojtësi Berat Gjimshiti është dëmtuar në ndeshjen kundër Udineses duke dalë nga fusha në minutën e 25-të.
Pas një përplasjeje me Thauvin, kapiteni i Shqipërisë u rrëzua në tokë teksa mbante dorën në kavilje dhe më pas trajneri Gasperini u detyrua të bëjë zevëndësimin.
Ende nuk dihet shkalla e dëmtimit dhe nëse ai do të mungojë me Shqipërinë. I habitshëm është fakti që Gjimshiti është dëmtuar 3 herë vetëm pak ditë para ndeshjeve të Kombëtares, në shtator, tetor dhe tani në nëntor.
