Trajneri i Liverpool-it, Arne Slot, beson se Liverpool-i do të ketë tre rivalë për titullin në Premier League.
Të Kuqtë kryesojnë renditjen e kampionatit me pesë pikë ndaj City-t të vendit të dytë pas fitores 2-0 të marrë mbrëmjen e së shtunës në Anfield kundër Aston Villa-s.
Ajo e djeshmja ishte fitorja e 15 për Liverpool-in në 17 ndeshjet e luajtura deri tani në këtë sezon. Megjithatë, Slot është treguar i kujdesshëm duke mos e konsideruar ekipin e tij si favorit për titullin.
“Nuk ka asnjë garanci edhe nëse jemi në krye sepse ka skuadra si Arsenal, City, Chelsea, të cilat mund të fitojnë çdo ndeshje dhe këtë e kanë treguar në sezonet e fundit.
“Kështu që ne duhet të mendojmë vetëm për veten tonë dhe një fitore kundër një skuadre si Villa, që ka bërë shumë mirë në sezonet e fundit, është gjithmonë e rëndësishme”.
