Trajneri i Dinamos, Ilir Daja, përtej hidhërimit për humbjen e pësuar në derbi, deklaroi se me Partizanin ishte një përballje e bukur për t’u parë dhe se disfata ishte pasojë e gabimeve që ishin bërë në mbulimin e dy lojtarëve të Partizanit.
“Sigurisht që edhe kur fiton ke momente që duhet të kesh pengje, jo më kur humbet. Ishin dy gola identikë, që ndonëse merrej topi në distancë nga Cara, duhej të ishte një bllokues që të mos lejonte goditjen përfundimtare. E njëjta gjë me Rrapajn. Mendoj se ka qenë një lojë e barabartë, e hapur, një derbi i bukur për t’u parë me raste nga ne dhe kundërshtarët.
Ne duhej të ishim me efikasë në pjesën e parë, se dolëm në fundore, por gabuam pasin e fundit. Futbolli i ka të pranishme të tri rezultatet, nuk na vjen mirë që humbëm ndeshjen, por pozitive ishte që djemtë për 90 minuta nuk u dorëzuan, kërkuan deri në minutën e fundit.
