Komisioni i Disiplinës në mbledhjen e radhës ka marrë disa vendime për disa prej klubeve dhe lojtarëve që luajnë në kategori inferiore.
Klubi Iliria e Fushë Krujës në Kategorinë e dytë dënohet që pjesën e mbetur të sezonit të luajë në fushë asnjëanëse dhe me gjobë 500 mijë lekë për hyrjen e disa personave në fushë që kërcënuan edhe arbitrat e ndeshjes me Luzin. Ndeshej e cila u ndërpre për disa minuta derisa të përfundonte në barazim.
Presidenti i klubit Iliria, Nazmi Selmani pezullohet me 1 vit nga futbolli për kërcënim të arbitrave, ndërsa e pësojnë edhe djemtë e tij Adolf Selmani me 1 vit pezullim, Santiago Selmani 10 ndeshje pezullim dhe Brajan Selmani me 10 ndeshje pezullim.
Vendimet e Komisionit të Disiplinës dhe Etikës
Zyrtari i FK Pogradeci, Samuel Nikaj, për sjellje josportive ndaj zyrtarëve të ndeshjes, në bazë të nenit 14/1/j të KDE, dënohet me 4 (katër) ndeshje pezullim nga veprimtaritë.
FK Pogradeci, për sjellje të gabuar të spektatorëve duke hedhur sende në fushën e lojës, në bazë të nenit 17/2/b të KDE, dënohet me gjobë në masën 50.000 (pesëdhjetë mijë) lekë. Sipas nenit 76/1/a të KDE, gjoba të aplikohet në masën 50%.
KS Besa, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.
Flamurtari FC, në bazë të nenit 6/1/a të KDE, paralajmërohet se në rast të përsëritjes së sjelljes së gabuar të spektatorëve, do të jetë subjekt i masave disiplinore që parashikon Kodi i Disiplinës dhe Etikës dhe Rregulloret e FSHF.
FK Iliria, për dështim në përmbushjen e detyrimeve dhe përgjegjësive, duke lejuar hyrjen e personave të paautorizuar në fushën e lojës dhe duke mos garantuar sigurinë e zyrtarëve të ndeshjes në bazë të neneve 6/3/d, 8, 13/2, 17/1, 17/2/a, 17/2/h dhe 77 të KDE, dënohet me zhvillimin pjesës së mbetur të ndeshjeve të sezonit futbollistik 2024-2025 në fushë asnjanëse dhe gjobë në masën 500.000 (pesëqind mijë) lekë. Sipas nenit 76/1/b të KDE, gjoba të aplikohet në masën 20%.
Zyrtari i KF Iliria, Nazmi Selmani, për sjellje të dhunshme dhe kërcënime ndaj zyrtarëve të ndeshjes, në bazë të neneve 14/1/h dhe 14/1/k të KDE, dënohet me 1 (një) vit pezullim nga të gjitha veprimtaritë e organizuara nga FSHF. Në zbatim të nenit 6/2/c të KDE, zyrtarit i ndalohet hyrja në të gjitha stadiumet, në veprimtaritë sportive të organizuara nga FSHF, deri në përfundim të dënimit.
Lojtari i KF Iliria, Adolf Selmani, për sjellje josportive dhe sulm ndaj zyrtarëve të ndeshjes, në bazë të neneve 14/1/j dhe 14/1/l të KDE, dënohet me 1 (një) vit pezullim nga të gjitha veprimtaritë e organizuara nga FSHF.
Lojtari i KF Iliria, Santiago Selmani, për kërcënim ndaj zyrtarëve të ndeshjes, në bazë të nenit 14/1/k të KDE, dënohet me 10 (dhjetë) ndeshje pezullim nga të gjitha veprimtaritë e organizuara nga FSHF.
Lojtari i KF Iliria, Brajan Selmani, për kërcënim ndaj zyrtarëve të ndeshjes, në bazë të nenit 14/1/k të KDE, dënohet me 10 (dhjetë) ndeshje pezullim nga të gjitha veprimtaritë e organizuara nga FSHF.
Zyrtari i KF Butrinti, Adriatik Faslliu, për provokim të spektatorëve me xheste dhe fjalë ofenduese, në bazë të nenit 14/1/f të KDE, dënohet me 4 (katër) ndeshje pezullim nga veprimtaritë.
Lojtari i KF Butrinti, Santi Culli, për sjellje të dhunshme dhe provokim të spektatorëve me xheste dhe fjalë ofenduese, në bazë të neneve 14/1/f dhe 14/1h të KDE, dënohet me 7 (shtatë) ndeshje pezullim nga veprimtaritë.
