Një aksident i rëndë është shënuar në aksin rrugor Korçë-Pogradec. Ngjarja ka ndodhur në afërsi të kryqëzimit të fshatit Bulgarec.
Një mjet tip “Chevrolet” është përplasur me një kamion, ku të dyja kanë dalë jashtë rruge duke u përmbysur.
Si pasojë e përplasjes ka ndërruar jetë K. N., rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve.
“Rreth orës 17:05, në aksin rrugor “Korçë- Pogradec” në afërsi të fshatit Bulgarec, një kamion me drejtues shtetasin I. P., është përplasur me një automjet tip “Chevrolet”.
Si pasojë e përplasjes ka ndërruar jetë shtetasi K. N., rreth 35 vjeç, drejtuesi i automjetit tip “Chevrolet”, dhe ka ngelur i dëmtuar pasagjeri në këtë mjet shtetasi E. Dh., i cili ndodhet në spital nën kujdesin e mjekëve.”– njofton policia.
Grupi hetimor ndodhet në vend ngjarje për zbardhjen e rrethanave dhe shkakut të aksidentit.
