Gjashtë persona janë plagosur si pasojë e një aksidenti i cili ka ndodhur sot në rrugën nacionale Mitrovicë-Prishtinë. Mësohet se aksidenti ka ndodhur rreth orës 08:00 në fshatin Kçiq i Madh.
Lajmin e ka konfirmuar zëdhënësi i Policisë së Kosovës për rajonin e Mitrovicës, Ilmi Prekazi. Sipas tij, në aksident janë përfshirë tre makina dhe personat e lënduar janë dërguar në spital për të marrë ndihmë mjekësore.
“Ju njoftojmë se sot pas orës 08:00, në rrugën nacionale Mitrovicë-Prishtinë saktësisht në fshatin Kçiq i Madh, ka ndodhur një aksident në të cilin janë të përfshira tri automjete me targa vendore, dhe si pasojë e aksidentit lëndime kanë pësuar gjashtë persona.Personat e lënduar janë dërguar për trajtim mjekësor në Spitalin Rajonal të Mitrovicës”, ka thënë Prekazi.
