Shansi i ish-presidentit Donald Trump për të mposhtur zv.Presidenten Kamala Harris për të fituar një mandat të dytë presidencial është “afër 100 për qind” nëse republikanët janë në gjendje të nxjerrin votuesit e tyre dhe të qëndrojnë të fokusuar, tha ish-këshilltari i kandidatit republikan, Steve Bannon në një intervistë.
“Arsyeja që Harris po shpenzon kaq shumë kohë në Wisconsin, tregon se ajo e di se duhet ta mbajë atë. Duket sikur Karolina e Veriut, Xhorxhia, Arizona dhe Nevada mund të jenë larguar prej saj. Ne kemi prerë rrugët e saj alternative për në Shtëpinë e Bardhë deri në murin blu dhe kemi dy shtete kyçe. Wisconsin duket shumë problematik për të, dhe po ashtu edhe Pensilvania.
Ne e dimë se ajo është ende duke u përpjekur të bindë njerëzit, burrat zezakë, burra hispanikë. Ne e dimë se nuk ka të pavendosur për Trump. Ne jemi gjithmonë shumë më të fortë në ditën e zgjedhjeve se ata. Unë nuk jam besimtar në ndjekjen e votës popullore. Unë nuk besoj se duke shkuar në disa prej këtyre shteteve do rriten shifrat mbi 270 në Kolegjin Zgjedhor. Çdo gjë që marrim mbi atë është e mrekullueshme. Mendoj se jemi aq mirë dhe të pozicionuar sa duhet”, shprehet Bannon.
“Në vitin 2016, unë kisha 100 për qind siguri metafizike, siç i thashë Trumpit gjatë gjithë kohës – megjithëse sondazhi ishte i tmerrshëm. Nëse e ekzekutojmë lojën në tokë të martën në masën që duhet të jemi në gjendje, ndihem afër 100 për qind se mund ta arrijmë këtë vetëm duke pasur parasysh se ku po prishet. Dhe mbani mend, ata nuk kanë ndërtuar asnjë mur zjarri me votim të hershëm.
Pra, ndihem shumë mirë, por problemi ynë i madh është vetëkënaqësia, vetëbesimi i tepërt. E dini, njerëzit thjesht humbasin fokusin”, shprehet Bannon. Dhe i pyetur se çfarë do të ndodhë nëse Trump humbet, Bannon shprehet “së pari ai nuk do të humbasë”.
