Monika Kryemadhi ka depozituar në Gjykatën e Posaçme të Apelimit, ankimimin kundër vendimit të shkallës së parë që e la në masën “detyrim paraqitje”.
Kërkesa mësohet se është bërë të shtunën, kur edhe është dorëzuar përmes postës.
Ndërkohë të njëjtën gjë pritet të bëjë sot edhe Kryetari i Partisë së Lirisë, Ilir Meta që mbahet në paraburgimin 313-të, Kryemadhi me te cilën është në proces divorci, u la në detyrim araqitje. Meta pritet ta dorëzojë sot ankimimin.
Ish-presidenti Ilir Meta, aktualisht kryetar i Partisë së Lirisë në opozitë, akuzohet nga Prokuroria e Posaçme për tre çështje korrupsioni; për dosjen e njohur si CEZ-DIA, për përfitimin e vlerave monetare në këmbim të influencës së ushtruar në favor të një kompanie telekomunikacioni si dhe për marrëdhënien e dyshuar korruptive me një biznesmen që SPAK e identifikon me inicialet S.M, në emër të të cilit është marrë përsipër ndryshimi i një ligji në Kuvendin e Shqipërisë.
Meta akuzohet gjithashtu për kontratat e konsulencës dhe lobimit në Shtetet e Bashkuara të Amerikës, pastrimin e produkteve në blerjen e një shtëpie në Tiranë si dhe mosdeklarimin e shpenzimeve mjekësore për periudhën 2013-2019.
Të njëjtat akuza ka edhe Kryemadhi.
